संस्कृतिको जगेर्ना गर्न हेटौंडामा रास्वपाले देउँसीभैलो खेल्ने
अखबार हब
मकवानपुर । संस्कृतिको जगेर्ना गर्न राष्ट्रिय स्वतन्त्र पाटी मकवानपुले देउँसीभैलो कार्यक्रमको आयोजना गर्ने भएको छ ।
नेपालीको दोस्रो ठूलो चाड यमपञ्चक अर्थात तिहारको अवसरमा सोमबार राष्ट्रिय स्वतन्त्र पार्टी मकवानपुरले संस्कृतिको जगेर्ना गर्ने उद्येश्यका साथ हेटौंडाका केही स्थानमा देउँसीभैलो कार्यक्रमको आयोजना गर्न लागेको हो ।
देउँसीभैलो हेटौंडाको वडा नम्बर १७ स्थित हटिया चोक, हेटौंडा ७ स्थित नागस्वती चोक र हेटौंडा ११ स्थित नवलपुर चोकमा खेलाइने रास्वपा मकवानपुरका संयोजक भरत पराजुली जानकारी दिए ।
एक दिनको लागि तयभएको देउँसीभैलो कार्यक्रममा विभिन्न सांस्कृतिक कार्यक्रमका साथै नाटक तथा जनचेतना मूलक प्रस्तुती रहेको पराजुलीले बताए ।
उनले भने, ‘परापूर्व कालदेखि नै दउँसीभैलो खेल्ने चलन थियो । हामीले देउँसीभैलो खेल्न लाग्नुको उद्देश्य सांस्कृतिक जगेर्ना गर्नु हो ।’ उनले देउसीभैलोबाट प्राप्त भएको दक्षिणा पार्टीको व्यवस्थापनका लागि प्रयोग हुने जानकारी दिए ।
