देशभर १८९ संक्रमित थपिए, २५० जना डिस्चार्ज
अखबार हब२०७८ पुष ३, शनिबार १६:२८
काठमाडौं । नेपालमा पछिल्लो २४ घण्टाको अवधिमा थप १८९ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ७ हजार ९९७ नमुनाको पीसीआर तथा एन्टिजेन विधिबाट परीक्षण गर्दा सो संख्यामा संक्रमित थपिएका हुन् ।
त्यस्तै, पछिल्लो २४ घण्टाको अवधिमा २५० जना निको भएका छन् । योसँगै संक्रमणमुक्त हुनेको संख्या ८ लाख ८ हजार ६०३ पुगेको छ ।
त्यस्तै, आज थप दुई जनाको कोरोनाका कारण निधन भएको छ । यसरी कोरोनाबाट ज्यान गुमाउनेको संख्या ११ हजार ५७२ पुगेको छ ।
आज देशभर ५ हजार ४२८ जना सक्रिय संक्रमित रहेको मन्त्रालयले जनाएको छ ।
