मउवा संघमा अग्रवाल प्यानलको बहुमत
अखबार हब
मकवानपुर । मकवानपुर उद्योग वाणिज्य संघको कार्तिक ९ मा सम्पन्न ५४ र ५५ औं साधारणसभा तथा निर्वाचनबाट कृष्णकुमार गुप्ता (अग्रवाल)प्यानलले नेतृत्वमा बहुमत कायम गरेको
छ ।
संघका निवर्तमान अध्यक्षसमेत रहेका राजकुमार न्यौपाने र गुप्ता नेतृत्व बीचको कार्यसमिति चयनका लागि भएको निर्वाचनमा २७ मध्ये १९ पदमा गुप्ता प्यानलका उम्मेदवार विजयीहुँदै बहुमत कायम गरेका हुन् । निर्वाचित २७ जनासमध्ये ८ जना न्यौपाने प्यानलबाट विजयी भएका हुन् । संघको अध्यक्षमा गुप्ताले ९१ मतान्तरका साथ न्यौपानेलाई पराजित गर्दै आगामी ३ बर्षका लागि नेतृत्व गर्ने भएका छन् । २ हजार ४ सय १५ मतमध्ये अग्रवालले १ हजार २ सय ४६ र उनका निकटतम प्रतिद्वन्द्वि न्यौपानेले १ हजार १ सय ५५ मत पाएका थिए । अध्यक्ष पदमा वाणिज्यतर्फ १ हजार ५ सय १५, उद्योगतर्फ ७ सय ५३, एशोसियटको १ सय १६, र वस्तुगत ३१ मत गरी २ हजार ४ सय १५ मत खसेको हो ।
गुप्ता प्यानलबाट वाणिज्यतर्फको उपाध्यक्षमा अनिल अग्रवाल र उद्योगतर्फको उपाध्यक्षमा प्रमोदसिंह रानाभाट विजयी भएका छन् । अग्रवालले न्यौपाने प्यानलका रामप्रसाद न्यौपानेलाई र रानाभाटले प्रतिमा श्रेष्ठलाई पराजित गरेका हुन् । अग्रवालले ६ सय ७२ र उनका प्रतिस्पर्धी रामप्रसाद न्यौपानेले ६ सय १८ मत प्राप्त गरेको निर्वाचन समितिले जनाएको छ । उद्योगतर्फको उपाध्यक्षमा रानाभाटले ३ सय ७० मत ल्याए भने, उनका प्रतिस्पर्धी श्रेष्ठले भने ३ सय १९ मतसहित पराजित भइन् । उद्योगतर्फ ८ सय ९० मध्ये ७ सय ५३ मत खसेको थियो ।
न्यौपाने प्यानलबाट बस्तुगत उपाध्यक्षमा राजु अधिकारी र एशोसिएट उपाध्यक्षमा उज्वल चौलागाईंले बाजी मारेका छन् । अधिकारीले गुप्ता प्यानलका काव्यमणि अधिकारी र चौलागाईंले विष्णु खनाललाई पराजित गरेका हुन् । न्यौपाने प्यानलका अधिकारीले १८ र उनका प्रतिस्पर्धी अधिकारीले भने ११ मत प्राप्त गरी पराजय भोगेका छन् । बस्तुगततर्फ सदस्यमा तेजराज अधिकारी (१७) र प्रदीप अर्याल (१५) मतसहित विजयी भएका छन् । पुष्पराज पुडासैनी (१४) र अजिव भट्टराई (१२) मतसहित पराजित भए ।
त्यस्तै, एशोसिएटतर्फ उज्वल चौलागाईंले ६३ र उनका निकटतम् प्रतिद्वन्द्वि खनालले ५० मत मात्र पाए । एशोसिएटतर्फ सदस्यमा गणेशप्रसाद भेटवाल (७७), अंकीता सुमार्गी (७१), राजाराम कार्की (६५) र हेटौंडा औद्योगिक क्षेत्र आरक्षणतर्फ दीपक उप्रेती (७३) मतसहित विजयी भएका छन् । नवराज खतिवडा (५४), राजु थापा (२८), रामशरण दुलाल (३१) र अशोककुमार राउत (३७) मतसहित पराजित भए । एशोसिएटतर्फ नै बहुर्राष्ट्रिय कम्पनीतर्फ शान्तिराम धिमाल निर्विरोध निर्वाचित भएका छन् ।
यसैगरी वाणिज्यतर्फ ७ जना सदस्य विजयी भएका छन् । जसमा कुलप्रसाद चौलागाईं (९०३), विकेशलाल श्रेष्ठ (८७०), सुदर्शन खरेल (७७१) अनिलभक्त श्रेष्ठ (७५८), नेत्रप्रसाद खतिवडा (७२३), माधव ज्ञवाली (६८३), दिवस पराजुली (६५८) मत ल्याइ विजयी भएका हुन् ।
बालकृष्ण बजगार्इं (६०७), विष्णुप्रसाद दाहाल (५९२), कृष्णप्रसाद ढुङ्गाना (५९७), जाबेद हुसेन (५८३), दामोदर पाठक (६३४), दीपक खत्री (५९७), हरिनारायण ठाकुर (३६२) मत प्राप्त गर्दै पराजित भए । बाणिज्यतर्फ ७ जना सदस्यका लागि १४ ले उम्मेदवारी दिएका थिए । यसैगरी वाणिज्य सदस्य महिला आरंक्षणतर्फ निलम पाण्डे (९२३ ), निलम वैद्य (७९५) विजयी भएका छन् । नेत्रकुमारी भट्ट (४७४) र मनु दाहाल (५२३)ले मत प्राप्त गर्दै पराजय व्यहोरे । पश्चिमी क्षेत्र सदस्यमा कृष्णहरि बर्ताैला (५६५), राजु राउत (३९७) र राधिका सामरी पाण्डे (४६२) मत प्राप्त गरेका छन् । जसमा बर्ताैला विजयी भएका हुन् ।
उद्योगको सदस्यतर्फ रुपकराज दाहाल (४६७), श्रीकृष्ण कर्माचार्य (४२३), नरेन्द्र भण्डारी (३६२) र सन्तोषकुमार अर्याल (३५२) मतका साथ विजयी भए । दीपक शिवाकोटी (३३९) भुपेन्द्रप्रसाद अधिकारी (३३२ ), हरिप्रसाद ढकाल (२२३) र ज्ञानेन्द्र बर्तौला (२६९) ले मत प्राप्त गर्दै पराजय भए । यसैगरी उद्योग सदस्य महिला आरंक्षण तर्फ सीतादेवी भेटुवाल (३७९) मत प्राप्त गरी विजयी भइन् । अर्का उम्मेदवार मेनका श्रेष्ठले ३२८ मत ल्याएर पराजय व्यहोरिन् ।
विजयीहुँदै अध्यक्ष गुप्ताले आफु व्यवसायिको प्रतिनिधि र आफ्नो जित सम्पूर्ण उद्योगी व्यवसायिको जित भएका बताएका छन् । ‘पराजित हुनु भएका राजकुमार न्यौपाने पनि संघको पूर्वअध्यक्ष बन्नु भएको छ, म उहाँको सल्लाह सुझावलाई समेत ग्रहण गरेर कार्यकाल स्वर्णिम बनाउने प्रयत्न गर्नेछु ।’ उनले भने । गुप्ता प्यानलबाट बहुमत सदस्य विजयीपछि बुधबारनै बजार परिक्रमामा कार्यक्रमसमेत गरिएको थियो ।
आफु अध्यक्षमा पराजित भएपछि न्यौपानेले आफुले पाएको मत सन्तोषजनक नभएको प्रतिक्रिया दिएका छन् । उनले आफ्नो जित सुनिश्चित भएको अवस्थामा रातारात रकम बाँडेको समेत आरोप लगाएका छन् । ‘म संघको नेतृत्वमा नहुँदा र पराजित भएपनि उद्योगी व्यवसायीको हितमा दिनरात लागि पर्नेछु ।’ उनले भने, ‘तर, यहाँ नियोजित ढंगले निषेधको राजनीतिलाई बढावा दिन चुनाव अस्वस्थ प्रतिपर्धात्मक बनाइयो ।’
