राष्ट्रिय युवा संघ मकवानपुरको अध्यक्षमा नगरकोटी
अखबार हब२०८१ भाद्र २९, शनिबार १३:३५
हेटौंडा । नेकपा एमाले निकट युवा संगठन राष्ट्रिय युवा संघ नेपाल मकवानपुरको अध्यक्षमा राजेश नगरकोटी चयन भएका छन् ।
शुक्रबार हेटौंडामा सम्पन्न संघको दशौँ अधिवेशनबाट नगरकोटी अध्यक्षमा सर्वसम्मत चयन भएका हुन् ।
नगरकोटीको अध्यक्षतामा ५१ सदस्यीय जिल्ला समिति बनेको छ । समितिको उपाध्यक्षमा पृतम राना, सचीवमा सबिन लामा, उपसचिवमा आशिष थापा, सुदिप थापा र कोषाध्यक्षमा विश्वराज विकल चयन भएका छन् । संघको यस अधिवेशन करिब १० वर्षपछि भएको हो । त्यसै गरि नयाँ कार्यसमितिको कार्यकाल २ वर्ष रहने छ ।
