यौन दुव्र्यवहार अभियोगमा पक्राउ परेका राई धरौटीमा छुटे
अखबार हब
मकवानपुर । बाल यौन दुव्र्यवहार अभियोगमा पक्राउ गरेका बाराको निजगढ नगरपालिका वडा नम्बर– २ सिङगौलका मनोज राई धरौटीमा रिहा भएका छन् । जिल्ला अदालत बाराले सोमबार राईलाई १ लाख ५० हजार धरौटीमा रिहा गरेको हो ।
स्थानीय एक १३ वर्षीया बालिकामाथि १ महिनाअघि यौन दुव्र्यवहार गरेको आरोपमा इलाका प्रहरी कार्यालय निजगढमा उजुरी परेपछी उनले प्रहरी सामु आत्मासमर्पण गरेका थिए ।
घटनाको अनुसन्धान पुरा गरेर ४ दिनअघि प्रहरीले राईको अभियोग पत्र सरकारी वकिलको कार्यालयमार्फत जिल्ला अदालतमा पेस गरेको थियो । उनी विरुद्ध बाल यौन दुव्र्यवहार अभियोगमा जेल सजायको माग दाबीसहित मुद्दा दायर गरिएको थियो ।
आफ्नो पसलमा सामान किन्न आएकी एकजना छिमेकी बालिकामाथि यौन दुव्र्यवहार गरेको भन्दै उजुरी परेपछि राईलाई प्रहरीले नियन्त्रणमा लिएर अनुसन्धान थालेको थियो । सोही वडाका वडा अध्यक्ष राजन श्रेष्ठ स्थानीय किशोरीमाथि यौन दुव्र्यवहार गरेको आरोपमा पुर्पपक्षको लागि एक वर्षदेखि वीरगन्ज कारागारमा रहेका छन् ।
