मनहरीमा सवारी दुर्घटना, दुइ जना युवकको मृत्यु
अखबार हब
मकवानपुर। पूर्व पश्चिम राजमार्ग अन्तरगत मकवानपुरको मनहरी –७ ज्यामिरेमा भएको सवारी दुर्घटनामा दुईजना युवकको गएराती उपचारका क्रममा मृत्यु भएको छ । ज्यामिरेमा सडकमा रोकिराखेको ट्रकमा मोटरसाइकल ठोक्किदा दुई जनाको मृत्यु भएको हो ।
मृत्यु हुनेमा मोटरसाइकल चालक मनहरी गाउँपालिका–९ बस्ने २२ बर्षीय शम्भु गिरि र मोटरसाइकलमै सवार सोही स्थान बस्ने २१ बर्षीय सुशिल गिरीको मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेक बहादुर कार्कीले जानकारी दिए ।
गएराति सडक छेउमा बिग्रिएर रोकि राखेको ना ५ ख ७४७२ नम्बरको ट्रकको पछाडि भागमा चितवन तर्फबाट हेटौंडा तर्फ आउँदै गरेको ना ५७ प २३१ नम्बरको मोटरसाइकल ठोक्किदा दुई जना घाइते गम्भीर घाइते भएका थिए ।
उनीहरु दुबैको उपचारको क्रममा पुरानो मेडिकल कलेज भरतपुर चितवनका डाक्टरले मृत घोषणा गरेको उनले बताए। ट्रक चालकलाई प्रहरीले नियन्त्रणमा लिएको जनाएको छ । दुर्घटनापछी स्थानीय वासिन्दाहरुले गरेको राजमार्ग बन्द प्रहरीले खुलाएको छ ।
