हेटौंडामा ग्यासको सिलिण्डर पड्किँदा घरमा आगलागी, एक घाइते
अखबार हब२०७८ फाल्गुन ८, आईतवार २१:००
मकवानपुर । हेटौंडा–१, जरुवा टोल नजिकै पानसुके चोकमा ग्यासको सिलिण्डर पड्किँदा घरमा आगलागी भएको छ ।
स्थानीय अनुसार घरमा आगलागी भइरहेको छ । अहिले हेटौंडा उपमहानगरपालिकाको दमकल घटनास्थलमा पुगेको छ । नियन्त्रणको प्रयास भइरहेको छ ।
आगलागीमा परी ४५ वर्षको सुमित मिश्र घाइते भएका छन् । स्थानीयका अनुसार तीन तले घरमा आगलागी भएको हो । आगलागीका कारण अहिले त्यसक्षेत्रमा विद्युत् विच्छेद भएको छ ।
