एमालेकै सिको गर्दै माओवादी
अखबार हब
काठमाडौं। एमाले अध्यक्ष केपी शर्मा ओलीलाई पछिल्लो समय तथानाम गाली गर्दै आएका नेकपा माओवादी केन्द्रका अध्यक्ष पुष्पकमल दाहाल प्रचण्डले महाधिवेशनमा भने एमालेकै सिको गरेका छन् ।
आगामी पुस ११ देखि १३ गतेसम्म हुने महाधिवेशनमा माओवादीले एमालेकै सिको गर्दै समूह बनाएर उम्मेद्वारी दर्ता गर्न रोक लगाउने निर्णय गरेको छ । महाधिवेशनमा होमिएको माओवादीले एमालेको सिको गर्दै समूहगत उम्मेद्वारीमा रोक लगाएको हो । एमालेले विधानमै प्यानल बनाएर उम्मेदवारी दिन नपाइने व्यवस्था गरिसकेको छ ।
माअोवादीले महाधिवेशनका लागि गठित निर्वाचन समितिको कार्यालय बुधबार उद्घाटन गर्ने जनाएको छ । सात लाख हाराहारी कार्यकर्ताले जिम्मेवारी पाउने गरी माओवादीले महाधिवेशन प्रक्रिया थालेको निर्वाचन आयोगका प्रमुख विष्णुपुकार श्रेष्ठले जानकारी दिए ।
निर्वाचन आयोगले प्रदेशमा सात जना, पालिकामा पाँच जना र वडामा तीन जनाको निर्वाचन समिति बनाएको छ । महाधिवेशनले २९९ सदस्यीय केन्द्रीय नेतृत्व चयन गर्नेछ ।
