ईन्द्रसरोबरमा ढुङ्गाले लाग्दा मजदुर घाइते
अखबार हब२०८२ असार २७, शुक्रबार ११:१३
हेटौँडा । मकवानपुरको ईन्द्रसरोबर गाउँपालिका-४ मा सडकमाथिबाट आएको ढुङ्गा लागी सडक नालीको काम गर्ने एक मजदुर घाइते भएका छन् ।
आज बिहान करिब सवा ८ बजेको समयमा नालीको काम गरिरहेका खोटाङ जिल्ला लामिडाँडाँ घर भएका अन्दाजी २० वर्षीय केशव मगरलाई ढुङ्गाले टाउको र ढाडमा लागि गम्भीर घाइते भएका हुन् ।
भीरबाट सुख्खा पहिरो झर्दा ढुङ्गाले टाउको र ढाडमा चोट लागि बोल्न नसक्ने अवस्थामा घाइते भएका मगरलाई उद्धार गरी उपचारको लागि काठमाडौँ पठाइएको जिल्ला प्रहरी कार्यालय मकवानपुरले जनाएको छ ।
