बकैयामा मोटरसाइकल दुर्घटना, एक जनाको मृत्यु
अखबार हब२०८१ फाल्गुन २८, बुधबार ०९:०८
हेटौंडा। मकवानपुरको बकैया गाउँपालिका–४ जुरेली बजारस्थित मदन भण्डारी लोकमार्गमा मोटरसाइकल दुर्घटना हुँदा एक जनाको मृत्यु भएको छ।
प्रहरीका अनुसार, गय राति करिब २ बजे हात्तीसुडेबाट ठूलोदमारतर्फ जाँदै गरेको बा ४० प ५३०६ नम्बरको मोटरसाइकल अनियन्त्रित भई दुर्घटनामा परेको थियो । दुर्घटनामा परि बकैया गाउँपालिका–४ का ३३ वर्षीय रुपक दियाली गम्भीर घाइते भएका थिए।
घटनापछि उनलाई तत्कालै बकैया अस्पताल पुर्याइएको थियो। तर, थप उपचारका लागि हेटौंडा अस्पताल पठाइएपछि बिहान करिब ४:३० बजे चिकित्सकले मृत घोषणा गरेका हुन्।
हाल दुर्घटनाबारे थप अनुसन्धान भइरहेको मकवानपुर प्रहरीले जनाएको छ।
