निजामती कर्मचारी संगठन मकवानपुरको अध्यक्षमा पौडेल
अखबार हब२०७८ फाल्गुन १८, बुधबार ०९:४३
मकवानपुर। नेपाल निजामती कर्मचारी सङ्गठन मकवानपुरको ११ औं जिल्ला अधिवेशन हेटौंडामा भएको छ । अधिवेशनको उद्घाटन् गर्दै बागमती प्रदेशका पूर्व मुख्यमन्त्री डोरमणि पौडेलले तीनै तहका स्थायी सरकार भनेको कर्मचारी रहेको बताए ।
कर्मचारीले आम नागरिकको हितका निम्ती काम गर्नका लागि आग्रह गरे । कार्यक्रममा नेकपा एमाले मकवानपुरका अध्यक्ष एकालाल श्रेष्ठ, नेपाल निजामती कर्मचारी संगठनका केन्द्रीय अध्यक्ष केदार देबकोटा लगायतकाको आतिथ्यता रहेको थियो ।
अधिवेशनले यादविन्द्र पौडेलको अध्यक्षतामा २१ सदस्य नयाँ कार्यसमिति चयन गरेको छ । उपाध्यक्षमा हेम कुमार पाठक, सचिवमा प्रकाश पौडेल, सहसचिवमा सम्झना शाही लगायतका चयन भएका छन् । अधिवेशनले प्रदेश प्रतिनिधि तथा केन्द्रिय प्रतिनिधिहरु समेत चयन गरेको छ ।
