रहेनन् वरिष्ठ लोकगायक जयनन्द लामा
अखबार हब२०७८ फाल्गुन ११, बुधबार ०८:३१
काठमाडौं । वरिष्ठ लोकगायक जयनन्द लामाको निधन भएको छ ।
सिन्धुपाल्चोक बाह्रविसे नगरपालिका– २ धार्पाका लामाको आज बिहान भक्तपुरस्थित कौशलटारमा निधन भएको हो ।
हिजो राति एक भोजमा सहभागी भएर घर फर्किएका लामा गाडीबाट झर्ने बेला लडेका थिए । लडेर लामाको टाउकोमा गहिरो चोट लागेको थियो ।
उनले गाएका र संगीत भरेका थुप्रै गीतहरु नेपाली संगीतबजारमा चर्चित छन् ।
