मकवानपुरको पर्यटकीय क्षेत्र दामनमा हिमपात,त्रिभुवन राजपथ अवरुद्ध
अखबार हब२०७८ पुष १४, बुधबार ०९:३१
मकवानपुर। मकवानपुरको पर्यटकीय क्षेत्र थाहा नगरपालिकाको सिमभञ्याङ र दामन क्षेत्रमा बिहानैबाट निरन्तर हिमपात हुँदा हेटौंडा–काठमाडौँ जोड्ने त्रिभुवन राजपथ अवरुद्ध भएको छ ।
जिल्ला प्रहरी कार्यलय मकवानपुरका निमित्त प्रहरी प्रवक्ता राजकुमार सापकोटाका अनुसार बिहानैबाट सुरु भएको बाक्लो हिमपातले सडकमार्गको सिमभञ्याङ र दामन क्षेत्रको सडक पूर्ण रुपमा अवरुद्ध रहेको छ ।
उनले भनेः हिमपातले राजमार्ग पूर्ण रुपमा अवरुद्ध भएको जानकारी आएको छ । नगरपालिकासंग समन्वय गरेर सडक खुलाउने तयारी रहेको छ । निरन्तर हिमपात हुँदा समस्या भएको छ । हेटौंडाबाट जाने सवारीहरुलाई दुर्घटना नहोस् भनेर सडक अवरुद्ध रहेको जानकारी दिईरहेका छौ ।
