विद्यार्थीलाई शैक्षिक सामाग्री हस्तान्तरण
अखबार हब
मकवानपुर । मकवानपुरको मकवानपुरगढी गाउँपालिका वडा नम्बर ५ स्थित ज्योति प्राथमिक विद्यालयमा अध्ययनरत विद्यार्थीलाई शैक्षिक सामग्री हस्तान्तरण गरिएको छ ।
सामाजिक कार्यमा सक्रिय संस्था सेवा सहयोग आवाजमा हामीका समुहले आईतबार विद्यालयमा अध्ययनरत ३१ जना विद्यार्थीलाई शैक्षिक सामाग्री हस्तान्तरण गरेको हो ।
सामुदायिक विद्यालयको शैक्षिक गुणस्तर वृद्धि गर्न सबै एकजुट भएर लाग्नुपर्ने सेवा सहयोग र आवाजमा हामीका संयोजक बिशाल राज महतले बताए ।
विद्यार्थीहरूको न्यूनतम आवश्यकता पुरा गर्ने उद्देश्यले विद्यालयमा, स्टेस्नरी सामग्री, ब्याग लगायतका सामग्रीहरू वितरण गरिएको सेवा सहयोग र आवाजमा हामीका सदस्य हरि बहादुर कूबरले जानकारी दिए ।
विद्यार्थीलाई पढाइमा प्रोत्साहन मिल्ने भन्दै सबैलाई यस्ता कार्यमा ध्यान दिन र सामुदायिक विद्यालयको गुणस्तर वृद्धिमा सहयोग गर्न कूबरले सबैलाई अनुरोध समेत गरेका छन् ।
कार्यक्रममा विद्यालयका प्रधानाध्यापक ओमनाथ घिमिरेले, सुबोद सुबेदि, गणेश खडकी, दिपेन्द्र घिमिरे ,गोपाल थापा राजेश श्रेष्ठ, मन्जु नेपाल राजेश थापा, लगायतको उपस्थित रहेको थियो।
समाचार थप
