लागूऔषध गाँजासहित हेटौंडाबाट २ जना पक्राउ
अखबार हब२०८० पुष २०, शुक्रबार १४:३७
हेटौंडा । प्रहरीले मकवानपुरबाट ४ किलो लागूऔषध गाँजासहित २ जनालाई नियन्त्रणमा लिएको छ।
शुक्रबार बिहान ८:२० बजे प्रहरी चौकी रातोमाटेको टोलीले हेटौँडा उपमहानगरपालिका-१५, रातोमाटेस्थित सडकखण्डमा चेकजाँच गर्दा चितवनबाट बिरगंजतर्फ जाँदै गरेको यात्रुवाहक बसबाट उक्त लागूऔषध बरामद गरेको हो।
बिहारको मोतिहारी जिल्ला पश्चिमी चम्पारण निवासी ३७ वर्षीय जितेन्द्र जैसवाल र ३८ वर्षीय मनोज कुमार दासले आफ्नो शरीरमा लुकाएर राखेको अवस्थामा लागूऔषध फेला परेको प्रहरीले जनाएको छ। पक्राउ परेका दुवै जनालाई थप अनुसन्धानका लागि नियन्त्रणमा राखिएको छ।
