गठबन्धनमा जुट्यो सहमति, हेटौंडा उपमहानगर एकीकृत समाजवादीको भागमा
अखबार हब२०७९ बैशाख ६, मंगलवार २३:३०
मकवानपुर । पाँच दलीय गठबन्धनमा हेटौंडा उपमहानगरपालिकासहित देशका ११ वटा उपमहानगरको भागबण्डामा सहमति जुटेको छ ।
भगबण्डा अनुसार ११ मध्ये ७ उपमहानगरको मेयर काँग्रेसले पाएको छ । बालुवाटारमा बसेको गठबन्धनको बैठकले भागबण्डामा सहमति जुटाएको हो ।
सहमति अनुसार माओवादी केन्द्रले दुई, नेकपा एकीकृत समाजवादी र जसपाले एक/एक उपमहानगरमा मेयर पाएका छन् । जसअनुसार एकीकृत समाजवादीले हेटौंडा र जसपाले जनकपुरधाम पाएको हो ।
काँग्रेसले बुटवल, तुलसीपुर, इटहरी, धरान, कलैया, नेपालगञ्ज र धनगढीमा मेयर उठाउने छ । त्यस्तै माओवादी केन्द्रले घोरही र जीतपुर सिमरामा आफ्नो मेयरको उम्मेदवार उठाउने छ ।
तर, उपमेयर पाउने उपमहानगरपालिकाको भने टुंगो लागिसकेको छैन ।
