हेटौंडामा विविध कार्यक्रमसहित सहकारी दिवस मनाईने
अखबार हब
मकवानपुर । बागमती प्रदेशको राजधानि हेटौंडामा ६९ औं राष्ट्रिय सहकारी दिवस बिभिन्न कार्यक्रम गरी भब्यरुपमा मनाईने भएको छ ।
मकवानपुरमा राष्ट्रिय सहकारी दिवस मनाउनको लागि मकवानपुर जिल्ला सहकारी संघका अध्यक्ष नारायणप्रसाद देवकोटाको संयोजकत्वमा १ हजार १ सदस्यीय मूल समारोह समिति गठन भईसकेको छ । समितिको सदस्यहरुमा जिल्ला सहकारी संघका सञ्चालक समितिका पदाधिकारीहरु, बिषयगत सहकारी संघका अध्यक्ष लगायत पदाधिकारीहरु, जिल्ला स्थित सहकारी संस्थका अध्यक्षहरु रहनेछन् ।
मूल समारोह समितिको सल्लाहकारमा बागमती प्रदेश सहकारी तथा गरिवी निवारण मन्त्रालयका निमित्त सचिव उमेश दाहाल, राष्ट्रिय सहकारी महासंघका सञ्चालक बद्रीप्रसाद लम्साल रहेका छन् ।
समितिको आयोजना मकवानपुर जिल्ला सहकारी संघ लगायत जिल्लास्थित विषयगत सहकारी संघहरुको सहकार्य र बागमती प्रदेश सहकारी तथा गरिवी निवारण मन्त्रालयको सहयोगमा विभिन्न रचनात्मक कार्यक्रमहरुसहित मनाईने मूल समारोह समितिले वनाएको छ ।
सहकारी दिवसको अवसरमा चैत्र १४ गतेदेखि यसवर्षको नारा सहकारी दिवसको नारा “उद्यमशिलता र पारदर्शिताः सहकारीको प्राथमिकता” सहित सहकारी दिवस सम्वन्धि ब्यानर सहकारी संघ संस्थाको कार्यालयमा राख्ने, मूल कार्यक्रम अन्तर्गत चैत्र १८ गते हेटौंडाको बुद्धचोकमा बिहान ७ बजेदेखि रक्तदान कार्यक्रम, १९ गते बिहान ७ बजेदेखि हेटौंडाको चौकीटोलमा रहेको हिमालयण दरवारमा “सहकारी संरक्षण र सम्वद्र्धनमा अभियान र नियमकीय भूमिका” विषयक अन्तरसंवाद कार्यक्रम आयोजना गरिने समितिले जनाएको छ । अन्तरसंवाद कार्यक्रममा मकवानपुर जिल्लाका विभिन्न सहकारी संघ, संस्थाका करिव २५० जना भन्दा बढी अध्यक्ष, ब्यवस्थापकको सहभागिता रहनेछ ।
त्यस्तै सहकारी दिवस अन्तरगत चैत्र २० गते बिहान ७ बजे हेटौंडाको हुप्राचौरबाट प्रभातफेरी ¥याली सुरु गरी हिमालयण दरवार चौकीटोलमा सहकारी दिवस समारोह हुनेछ भने साँझ जिल्लाभरका सहकारी संघ, संस्थाको कार्यालय परिसरमा दिपावली गरिने सहकारी दिवस मूल समारोह समितिले जनाएको छ ।
समाचार थप
