विद्युतको लाइन सर्ट भएर नारायणी कलेजमा आगलागी
अखबार हब२०८० चैत्र १३, मंगलवार १९:४६
मकवानपुर । विद्युतको लाइन सर्ट भएर हेटौंडाको नारायणी कलेजमा आगलागी भएको छ ।
हेटौंडा उपमहानगरपालिका- १०, स्थित तुलसी मेहर बोर्डिङ तथा नारायणी कलेजमा आगलागी भएको जिल्ला प्रहरी कार्यालय मकवानपुरले जनाएको छ ।
आगो हेटौंडा उपमहानगरपालिकाको दमक, प्रहरी र स्थानीयको सहयोगमा नियन्त्रणमा लिइएको छ । आज साँझ ५ बजेर २५ मिनेटको समयमा कलेजमा आगलागी भएको हो। आगलागीबाट एक कोठा बराबरको जस्तापाताको क्षति भएको छ । आगलागीबाट मानवीय क्षति भएको छैन ।
