मकवानपुर प्रहरीले गर्यो ५४ लाखको सुन बरामद
अखबार हब२०८० जेष्ठ ३१, बुधबार १०:५२
मकवानपुर । हेटौंडा– १५ रातोमाटे बाट जिल्ला प्रहरी कार्यालय मकवानपुरले करिब ५४ लाख ४८ हजार रुपैयाँ बराबरको अबैध सुनसहित एक जना युवालाई नियन्त्रणमा लिएको छ ।
आज विहान करिब ३ बजेको समयमा प्रहरीले विशेष सूचनाको आधारमा उनलाई नियन्त्रणमा लिएको हो । प्रहरीले रातोमाटे चेकपोष्टमा याक्रुबाहक बसमा सवारको चेकजाँच गर्ने त्रममा ५६१.३० ग्राम सुनसहित एकजना पक्राउ गरेको हो ।
प्रहरी नायब उपरीक्षक टेकबहादुर कार्कीका अनुसार प्रदेश २–०३–००१ ख् ०१५९ नम्बरको बसमा सवार वीरगञ्ज महानगरपालिका–१६ का २२ वर्षीय किसन साहले जुत्ताको नोकभित्र उक्त परिमाणमा सुन लुकाएका थिए ।
साहलाई नियन्त्रणमा लिएर थप अनुसन्धान प्रक्रिया अगाडि बढाएको जनाएको छ ।
