बारामा ट्रयाक्टरले किच्दा बालकको मृत्यु
अखबार हब२०७८ चैत्र २३, बुधबार १८:०१
काठमाडौं । बाराको निजगढ नगरपालिका–१० मा बुधबार ट्रयाक्टरमा जोडेको रोटाभेटरले किचेर एक बालकको मृत्यु भएको छ ।
मृत्यु हुनेमा स्थानीय बुद्धिलाल बम्जनका ९ वर्षीय छोरा बिपास बम्जन रहेका छन् ।
प्रदेश २–०३–००१ त १३१३ नम्बरको ट्रयाक्टरले उनलाई किचेको थियो ।
फरार रहेका ट्रयाक्टर चालकको खोजी भइरहेको ईलाका प्रहरी कार्यालय निजगढ बाराले जानकारी दिएको छ ।
