१६ जनाले गरे रक्तदान
अखबार हब
हेटौंडा । नेपाल रेडक्रस सोसाइटी हेटौंडा उपशाखा, हेटौंडा- ४ द्वारा रक्तदान कार्यक्रमको आयोजना गरिएको छ । कार्यक्रममा १६ जनाले रक्तदान गरेका थिए ।
नेपाल रेडक्रस सोसाइटी हेटौंडा उपशाखाका सभापति किशन घिसिङ्गको अध्यक्षता एवं हेटौंडा उपमहानगरपालिका ४ नं वडा अध्यक्ष नवीन सिग्देलको प्रमुख आतिथ्यता एवं नेपाल रेडक्रस सोसाइटी मकवानपुर जिल्ला शाखाका उपमन्त्री शिबहरि दाहालको बिशेष आतिथ्यमा सम्पन्न कार्यक्रममा नेरेसो मकवानपुरका कार्यालय प्रमुख लक्ष्मण भट्टराईं ४, श्रमिक माबीका बिब्यस अध्यक्ष बिबेक कार्की, नेरेसो मकवानपुरका पुर्व उपसभापति उमेश बास्कोटा, लगाएत विभिन्न संघसंस्थाको प्रतिनिधि एवं युवा रेडक्रस सर्कलका पदाधिकारी एवं सदस्यहरुको उपस्थिति रहेको थियो ।
उपशाखाको नियमित कार्यक्रमको रुपमा रक्तदान कार्यक्रमको आयोजना गरिएको उपशाखाका सभापती किशन घिसिङ्ले जानकारी दिए।
बिपदको समयमा रेडक्रसको आबस्यक्ता र महत्त्व अझ धेरै रहेकोले केही समय भित्र युवा, विद्यार्थी तथा शिक्षकहरुको सहभागीतामा बिपद ब्यबस्थापन तथा प्राथमिक उपचारको तालिमको आयोजना गर्ने योजना रहेको उपशाखा सचिब हिक्मत श्रेष्ठले बताए ।
