हेटौंडा–४ ले जिल्लामै पहिलो पटक खुल्ला क्रिक्सल प्रतियोगिता गर्दै
अखबार हब
मकवानपुर । हेटौंडा उपमहानगरपालिका वडा नम्बर – ४ ले जिल्लामै पहिलो पटक जिल्ला स्तरीय खुल्ला क्रिक्सल प्रतियोगिता गर्ने भएको छ ।
आज वडा कार्यालयमा पत्रकार सम्मेलनको आयोजना गर्दै आयोजकले यस्तो जानकारी दिएको हो । हेटौंडा–४ स्थित हेटौंडा फुटसल मैदानमा हुने क्रिकेट खेल यही असोज २८ घटस्थापना देखि सुरु भई भोलिपल्ट २९ गतेसम्म हुनेछ ।
आयोजकका अनुसार प्रथम पुरस्कार २५ हजार रुपैयाँ र द्धितिय पुरस्कार १५ हजार रुपैयाँ राखिएको छ । खेलमा कुल खर्च १ लाख ५५ हजार रुपैयाँ लाग्ने अनुमान गरिएको छ ।
कार्यक्रममा बोल्दै वडाध्यक्ष नवीन सिग्देलले क्रिकेट खेललाई प्रर्वद्धन गर्नका निमित्त वडाले क्रिक्सलको आयोजना गर्न लागेको बताए ।
यूवाहरुलाई सम्भावित र्दुव्यसनीबाट टाढा राख्न र मनोरञ्जनात्मक क्रियाकलाप प्रति उत्प्रेरित गर्न वडाले यूवा विशेष खेलको आयोजना गर्न लागेको उनको भनाई छ । शिक्षा, स्वास्थ्य लगाएतका क्षेत्रहरु मात्र नभएर खेलकुदलाई पनि संगै लैजानु आजको आवश्यक्ता रहेको बताए ।
खेलमा भाग लिने प्रति समुह दुई हजार ५ सय दर्ता शुल्क लाग्ने र असोज २७ गते सम्म समुह दर्ता गर्न सकिने खेल संयोजक निरज सिंह ठकुरीले जानकारी दिए ।
