‘प्रधानन्याधिश ज्यू,जतिसक्दो चाडो राजिनामा दिनुस्’ – नेता पौडेल
अखबार हब२०७८ कार्तिक १६, मंगलवार १८:३३
मकवानपुर । नेपाली काँग्रेसका वरिष्ठ नेता रामचन्द्र पौडेलले प्रधानन्यायधीश चोलेन्द्रशमशेर जबराले जतिसक्दो आफ्नो पदबाट राजिनामा दिनका लागि सुझाब दिएका छन् ।
नेपाली काँग्रेस मकवानपुरको आयोजनामा शुभ दिपावली, छठ र नेपाल सम्वतका अवसरमा आज हेटौंडामा आयोजित शुभकामना आदान प्रदान तथा चियापान कार्यक्रमलाई संबोधन गर्दै उनले भने–‘प्रधानन्यायधीशले सम्मान जनक बहिरगमन चाहनु भएको छ । उहाँले जति चाडै राजिनामा दिनु हुन्छ त्यतीनै चाडो सम्मानजनक हुने छ ।’
प्रधानन्यायधीशले पदबाट छोड्नका लागि जति ढिलो गर्नुहुन्छ उहाँले गरेका नराम्रा काम त्यतीनै बाहिर आउने भएकाले चाडो पद छोड्नका लागि आग्रह गरे।
