सार्वजनिक बसमा हतियारसहित प्रहरी परिचालन गर्दै मकवानपुर प्रहरी

अखबार हब
२०७९ आश्विन १०, सोमबार १९:३१

मकवानपुर । चाडपर्वलाई लक्षित गर्दै मकवानपुर प्रहरीले जिल्लाको सुरक्षा व्यवस्थालाई कडा  बनाउने भएको छ ।

चाडपर्वको समयमा यात्रुबाहक बसहरुले बढी भाडा असुल्न नदिन मकवानपुरको पश्चिमि सीमा लोथर र दक्षिण सीमा रातोमाटे सम्म यात्रुबाहक बसमा हतियार सहित प्रहरीले गस्ती गर्ने भएको हो ।

सोमवार चाडपर्व लक्षित सुरक्षा योजनाको बारेमा जानकारी दिदै मकवानपुर प्रहरी प्रमुख बामदेव गौतमले रातको समयमा हुन सक्ने लुटपाट र यात्रुबाहक बसले असुल्ने बढि भाडालाई नियन्त्रण गर्न सार्वजनिक बसमा ३/३ जनाको संख्यामा हतियारसहित प्रहरी परिचालन गर्न लागिएको बताए ।

साथै प्रहरीले नागरिक सहायता कक्षको स्थापना गर्ने र सादा पोसाकमा प्रहरी परिचालन समेत गर्ने भएको छ ।

मकवानपुर जिल्लामा रहेका ६२ वटै प्रहरी युनिटहरुबाट पैदल, साईकल, मोटरसाईकल लगायत मोबाईल गस्ती गर्नुका साथै सवारी साधनहरुको क्रस चेकजांचमा मापासे तथा लापसे चेकजांच गर्ने उनले बताए ।

चाडपर्वमा धार्मिक स्थलहरु तथा हाट बजार, बैंक वित्तिय संस्थाहरुमा, सुनचाँदी पसलहरुमा हुन सक्ने चोरी, लुटपाट, डकैत जस्ता कार्यहरु हुन नदिन सादा पोसाकमा प्रहरी परिचालन गरिने जनाएको छ ।

कालो बजारी, नाफाखोरी जस्ता कृतिम अभाव हुन नदिन सरोकार निकायसंग समन्वय गरी बजार अनुगमन र जुवातास खेल्ने लगायतका क्रियाकलापहरुलाई पुर्ण रुपमा रोक लगाउने मकवानपुर प्रहरीले जनाएको छ ।

यसमा तपाइको मत

Your email address will not be published.


*